ដើមកញ្ឆា ៣៥៦៩ដើម ត្រូវបានដុតកម្ទេចចោល
ខេត្តពោធិ៍សាត់៖ នៅថ្ងៃទី៧ ខែវិច្ឆិកា ឆ្នាំ២០១៨ ត្រង់ចំណុចទ្រូងខ្លា ស្ថិតក្នុងភូមិតាំងគោក ឃុំតាលោ ស្រុកបាកាន ខេត្តពោធិ៍សាត់ ។
ដោយមានការសម្របសម្រួលពីតំណាងអយ្យការសាលាដំបូងខេត្ត លោកឧត្តមសេនីយ៍ត្រី រស់ ប៊ុនណាន ស្នងការរងនៃស្នងការដ្ឋាននគរបាលខេត្តពោធិ៍សាត់ ទទួលផែនប្រឆាំងបទល្មើស បានដឹកនាំកម្លាំងក្រោមឱវាទប្រមាណជិត ២០នាក់សហការជាមួយអាជ្ញាធ រឃុំតាលោ ភូមិតាំងគោក ចុះកម្ទេចការលួចលាក់ដាំដុះដំណាំកញ្ឆាចំនួន ៣៥៦៩ដើម។
ប្រតិបត្តិការនេះ កម្លាំងបានធ្វើការកម្ទេចការដាំដុះដំណាំកញ្ឆាបានចំនួន ១០កន្លែង មានចំនួន ៧៩រង ស្មើនឹងចំនួន ៣៥៦៩ដើម ក្នុងនោះដើមកញ្ឆាចាស់ឡើងគុល្លីចំនួន ២៥៨៦ដើម ទើបដាំថ្មីចំនួន ៩៨៣ដើម និងវត្ថុតាងមួយចំនួនទៀតរួមមាន ម៉ាស៊ីនបូមទឹកម៉ាក ហ៊ីណូតា ពណ៏ក្រហម ចំនួន ១គ្រឿងត ទុយយោជ័រចំនួន ៦ដុំ ក្នុង ដុំៗមានប្រវែងចំនួន ៥០ម៉ែត្រ ធុងបាញ់ថ្នាំចំនួន ១គ្រឿង អាវុធកែច្នៃ(កាំភ្លើងស្នប់)ចំនួន ២ដើម និងកញ្ឆាស្ងួតទម្ងន់ចំនួន ៥គីឡូក្រាមផងដែរ។ កញ្ឆាត្រូវបានកំទេចខ្លះគេដាំនៅលើដីឈ្មោះ នូវ នឿន ភេទប្រុស អាយុ ៦២ឆ្នាំ ជនជាតិខ្មែរ បច្ចុប្បន្ន រស់នៅភូមិថ្មី ឃុំតាលោ ស្រុកបាកាន និងខ្លះទៀតគេដាំនៅលើដីចំការអ្នកផ្សេងក្បែគ្នានោះ ហើយអ្នកដាំដើមកញ្ឆានេះមានឈ្មោះ រ៉ី ភេទប្រុស មកពីខេត្តតាកែវ(រត់គេចខ្លួន)។
វត្ថុតាងដើមកញ្ឆាទាំងចំនុច ៣៥៦៩ដើមបានសម្រេចដុតកំទេចចោលនៅនឹងកន្លែ ចំណែកសម្ភារផ្សេងៗបានយកទៅរក្សាទុកជាបណ្ដោះអាសន្ន នៅអធិការដ្ឋាននគរបាលស្រុកបាកាន ករណីខាងលើសមត្តកិច្ចនគរបាលនៅបន្តធ្វើការស្រាវជ្រាវនៅឡើយ ហើយនឹងបន្តហៅម្ចាស់ដីចំការជួលឈ្មោះ នូវ នឿន ធ្វើការសួរនាំទៀត ៕
![]()
![]()
![]()