លោកឧត្តមសេនីយ៍ត្រី បោន ប៊ិន បានបើកកិច្ចប្រជុំត្រួតពិនិត្យការអនុវត្តន៍តួនាទី-ភារកិច្ច ការងារកងរាជអាវុធហត្ថឆ្នាំ២០១៨ និងទិសដៅការងារឆ្នាំ២០១៩

បន្ទាយមានជ័យ÷ថ្ងៃសុក្រ  ០៧កើត  ខែមិគសិរ  ឆ្នាំច  សំរឹទិ្ធស័ក  ព.ស២៥៦២  ត្រូវនឹងថ្ងៃទី១៤  ខែធ្នូ  ឆ្នាំ២០១៨  កងរាជអាវុធហត្ថខេត្តបន្ទាយមានជ័យ  បានបើកកិច្ចប្រជុំត្រួតពិនិត្យការអនុវត្តន៍តួនាទី-ភារកិច្ច ការងារកងរាជអាវុធហត្ថឆ្នាំ២០១៨  និងទិសដៅការងារឆ្នាំ២០១៩ និងផ្សព្វផ្សាយផែនការការងារមួយចំនួនរួមមាន ៖

-ផ្សព្វផ្សាយអំពីផលប៉ះពាល់នៃថ្នាំជក់ 

-ផ្សព្វផ្សាយជំនាញការងារបុគ្គលិក 

-ផ្សព្វផ្សាយជំនាញការងារបច្ចេកទេស 

-ផ្សព្វផ្សាយជំនាញការងារបញ្ជូនសារ 

 

ក្នុងកិច្ចប្រជុំត្រួតពិនិត្យការអនុវត្តន៍តួនាទី-ភារកិច្ច ការងារកងរាជអាវុធហត្ថឆ្នាំ២០១៨  និងទិសដៅការងារឆ្នាំ២០១៩នេះគឺក្រោមអធិបតីភាពលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត  ព្រមទាំងមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធាន អនុប្រធានមន្ទីរ លោកនាយការិយាល័យ លោកមេបញ្ជាការមូលដ្ឋានកងរាជអាវុធហត្ថក្រុង-ស្រុកទាំង៩  និងនាយទាហាន សរុបទាំអស់ចំនួន ៩២នាក់ ។ 

 

ជាកិច្ចបញ្ចប់នៃកម្មវិធី  លោកឧត្តមសេនីយ៍ត្រី បោន ប៊ិន បានធ្វើការផ្តាំផ្ញើដល់កងកម្លាំងទាំងអស់ ត្រូវអនុវត្តន៍ឲ្យបានម៉ឺងម៉ាត់នូវរាល់បទបញ្ញត្តិ  និងបទបញ្ជារបស់ថ្នាក់លើ ជាពិសេសមេបញ្ជាការមូលដ្ឋានក្រុង/ស្រុក ត្រូវផ្សព្វផ្សាយបន្តដល់កងកម្លាំងក្រោមឱវាទ នូវរាល់ខ្លឹមសារដែលបានផ្សព្វផ្សាយក្នុងអង្គប្រជុំនាថ្ងៃនេះផងដែរ៕