បរទេស÷ បើតាមមន្រ្តីអាមេរិកបានប្រាប់សារព័តសារព័ត៌មាន ABC NEWS ឱ្យដឹងមុននេះបន្តិចថា ម៊ីសីលជាច្រើនដើមត្រូវបានត្រូវបានបាញ់ចេញពីអ៊ីរ៉ង់ សំដៅមូលដ្ឋានទ័ពអាមេរិកក្នុងប្រទេសអ៊ីរ៉ាក់។ទីតាំងដែលរងការវាយប្រហារមានទាំងនៅតំបន់ Erbil ភាគខាងជើងអ៊ីរ៉ាក់ និងមូលដ្ឋានអាកាស Al Asad ភាគខាងលិចប្រទេស។ នេះបើតាមមន្ត្រីអាមេរិកប្រាប់អ្នកយកព័ត៌មាន។បើតាមសេចក្ដីថ្លែងការពីសេតវិមាន បានឱ្យដឹងថា ប្រធានាធិបតីសហរដ្ឋអាមេរិក ដូណាល់ ត្រាំ កំពុងគ្រប់គ្រងស្ថានការណ៍ និងពិភាក្សាជាមួយភ្នាក់ងារសន្តិសុខជាតិ ជុំវិញបញ្ហានេះ។ការវាយប្រហារ បានកើតឡើងប៉ុន្មានថ្ងៃ ក្រោយពេលសហរដ្ឋអាមេរិក បានប្រើយន្តហោះគ្មានមនុស្សបើក ទម្លាក់គ្រាប់បែកផ្ដាច់ជីវិតមេទ័ពកំពូលម្នាក់របស់អ៊ីរ៉ង់ ឈ្មោះ Qassem Soleimani ក្នុងប្រទេសអ៊ីរ៉ាក់។ចំពោះទំហំនៃការខូចខាតណាមួយ នៅមិនទាន់បង្ហាញឱ្យដឹងនៅឡើយ។ ចំណែករដ្ឋមន្ត្រីការពារជាតិរបស់សហរដ្ឋអាមេរិក បានបញ្ជាក់ថា គ្មានបំណងបង្កសង្គ្រាមជាមួយអ៊ីរ៉ង់ទេ គឺមានបំណងបញ្ចប់សង្គ្រាមនេះតែម្ដង។
ចំនួនអ្នកទស្សនា