ភ្នំពេញ ៖ មន្ត្រីក្រសួងមុខងារសាធារណៈម្នាក់ និងស្ត្រីបុគ្គលិកធនាគារឯកជនម្នាក់ ត្រូវបានសមត្ថកិច្ចនគរបាលព្រហ្មទណ្ឌកម្រិតធ្ងន់ រាជធានីភ្នំពេញ ចាប់ខ្លួនបញ្ជូនមកសាលាដំបូង កាលពីរសៀលថ្ងៃទី២៧ ខែកុម្ភៈ ឆ្នាំ២០២០នេះ ពាក់ព័ន្ធបទល្មើសលួចប្រាក់ពន្ធរដ្ឋប្រមាណ៥៣ម៉ឺនដុល្លារ។ជនសង្ស័យ ដែលសមត្ថកិច្ចចាប់ខ្លួនទី១ឈ្មោះ ចាន់ ស៊ីមន្ថា ភេទប្រុស អាយុ៣៩ឆ្នាំ មានមុខងារជាអនុប្រធាននាយកដ្ឋាន នៃក្រសួងមុខងារសាធារណៈ មានទីលំនៅផ្ទះលេខ D84 Eo ផ្លូវលេខ១០ សង្កាត់ចោមចៅ២ ខណ្ឌពោធិ៍សែនជ័យ។ ទី២ឈ្មោះ ទៀង វឌ្ឍននារីរតន៍ ភេទស្រី អាយុ៣២ឆ្នាំ ជាបុគ្គលិកធនាគារឯកជនមួយ ( ផ្នែកប្រមូលពន្ធ ) មានទីលំនៅផ្ទះលេខ D84 Eo ផ្លូវលេខ១០ សង្កាត់ចោមចៅ២ ខណ្ឌពោធិ៍សែនជ័យ។បុរស ស្ត្រីទាំង២នាក់ ត្រូវបានចាប់ខ្លួនកាលពីថ្ងៃទី២៤ ខែកុម្ភៈ ឆ្នាំ២០២០ ហើយនគរបាលសុំពន្យារពេលបញ្ជូនមកតុលាការមួយថ្ងៃ (ថ្ងៃទី ២៦កុម្ភៈ ) ពាក់ព័ន្ធករណី « រំលោភលើទំនុកចិត្ត » យកប្រាក់របស់ធនាគារឯកជនមួយ និងប្រាក់បង់ពន្ធរបស់ក្រុមហ៊ុន ចំនួន៥៣ម៉ឺនដុល្លារ កាលពីថ្ងៃទី១៦ ខែមករា ឆ្នាំ២០២០។ឥឡូវនេះ ព្រះរាជអាជ្ញាអមសាលាដំបូងរាជធានីភ្នំពេញ កំពុងធ្វើការសាកសួរជនសង្ស័យទាំង២នាក់៕ ប្រភព: កម្ពុជា ថ្មី
ចំនួនអ្នកទស្សនា