បន្ទាយមានជ័យ÷ សម្តេចបានមានប្រសាសន៍ថា បើប្រជាពលរដ្ឋខ្មែរនៅតែបន្តបោះឆ្នោត ឲ្យគណ:បក្សប្រជាជនកម្ពុជា រាជរដ្ឋាភិបាលនិងបន្តមិនយកពន្ធដីកសិកម្ម១០០ ឆ្នាំតទៅមុខទៀត។

ក្នុងនេះផងដែរសម្តេចបានមានប្រសាសន៍បន្ថែមទៀតថា នៅលើពីភពលោកគឺមានប្រទេសតិចណាស់ដែលមិនយកពន្ធដីកសិកម្មពីពលរដ្ឋ ។ ហើយសម្តេចបន្តថា : ក្នុងប្រទេសកម្ពុជា គឺកាលពីសម័យបារាំងគ្រប់គ្រង គឺ បារាំងបានយកពន្ធដីកសិកម្មពីពលរដ្ឋខ្មែរ ហើយក្នុងនោះគឺមានភូមិមួយក្នុងខេត្ត  កំពង់ឆ្នាំង គឺត្រូវបានបារាំង ដាក់ឈ្មោះថា ភូមិតិរច្ឆាន ព្រោះពលរដ្ឋខ្មែរនៅក្នុងភូមិមួយនេះ ពិបាកក្នុងការទារពន្ធ ហើយម្យ៉ាងវិញទៀតពលរដ្ឋក្នុងភូមិនេះ ក្តៅក្រហាយ ថែមទាំងខឹង និង បារាំងទារពន្ធដីកសិកម្ម បាននាំគ្នាប្រតិកម្ម រហូតឈានដល់ការកាប់សម្លាប់បារាំងស្លាប់ម្នាក់  ។ បន្ទាប់មកក្រោយរំដោះប្រទេសកម្ពុជា នៅឆ្នាំ១៩៧៩ គឺរហូតមកដល់បច្ចុប្បន្នរាជរដ្ឋាភិបាលកម្ពុជា មិនដែរយកពន្ធដីកសិកម្មពីពលរដ្ឋខ្មែរឡើយ។

សម្តេចមានប្រសាសន៍បែបនេះ នៅក្នុងកម្មវិធីសម្ពោធបើកឲ្យប្រើប្រាស់ជាផ្លូវការនៅផ្លូវជាតិលេខ៥៨ តភ្ជាប់ពីក្រុងប៉ោយប៉ែត ខេត្តបន្ទាយមានជ័យ ទៅ ខេត្តឧត្តរមានជ័យ កាលពីថ្ងៃទី២៦ ខែកុម្ភៈ ឆ្នាំ២០២០  ។