បាត់ដំបង ៖ លោកឈឿង គឹមសុង ប្រធានការិយាល័យព្រហ្មទណ្ឌកំរិតស្រាល ដឹកនាំកម្លាំងបង្ការ បង្ក្រាបស្រាវជ្រាវរហូតឃាត់ខ្លួនបានជនសង្ស័យម្នាក់ក្រោយធ្វើសកម្មភាពលួចកាច់សោរយកម៉ូតូក្នុងផ្ទសំណាក់ប៊ែមប៊ូដែលមានទីតាំងស្ថិតក្នុងភូមិចំការឫស្សី សង្កាតព្រែកព្រះស្តេច ក្រុងបាត់ដំបង។ជនសង្ស័យឈ្មោះ ផុន សុភា ភេទប្រុស អាយុ២៦ឆ្នាំ មុខរបរមិនពិតប្រាកដ មានទីលំនៅភូមិត្នោតជុំ ឃុំកោះញែក ស្រុកពញាឭ ខេត្តកណ្តាល បានធ្វើសកម្មភាពលួចម៉ូតូ១គ្រឿងបានសម្រេចនៅផ្ទះសំណាក់(បូរីរតនះ)។ដោយមានការណែនាំពីលោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបងនិងលោកឧត្តមសេនីយ៍ត្រី ជេត វណ្ណនី ស្នងការរងផែនព្រហ្មទណ្ឌកំរិតស្រាលទើបកម្លាំងជំនាញឃាត់ខ្លួនជនសង្ស័យបានកាលពីវេលាម៉ោង១៥និង៣០នាទី ថ្ងៃទី២ ខែមិនា ឆ្នាំ២០២០។វត្ថុតាងដែលសមត្ថកិច្ចដកហូតបានពីជនសង្ស័យរួមមាន៖ដែកសម្រាប់កាច់សោរ អក្សរL ១ ដែករាងជាអក្សរ T ១ កូនសោរចំនួន៤និងសម្ភារៈមួយចំនួនទៀត។បច្ចុប្បន្នជនសង្ស័យត្រូវបានកម្លាំងនគរបាលនៃការិយាល័យព្រហ្មទណ្ឌកំរិតស្រាលកសាងសំណុំរឿុំរឿងបញ្ជូនទៅតុលាការដើម្បីផ្តន្ទាទោសតាមច្បាប់៕
ចំនួនអ្នកទស្សនា