ភ្នំពេញ÷ លោក ផៃ ស៊ីផាន ប្រធានអង្គភាពអ្នកនាំពាក្យរាជរដ្ឋាភិបាលកម្ពុជា បានត្រៀមប្រាក់៤០០លានដុល្លារអាមេរិក ដើម្បីព្យាបាលជំងឺកូវីត.១៩នេះ។ លោកបន្តថា សាច់ប្រាក់ទាំងនេះ ត្រូវបានក្រសួងសេដ្ឋកិច្ច និងហិរញ្ញវត្ថុ បានទទួលយល់ព្រមតាមអនុសាសន៍របស់ប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្ត្រី ដែលបានសម្រេចរួចហើយ។ លោក ផៃ ស៊ីផាន លើកឡើងទៀតថា រដ្ឋាភិបាលបានសម្រេចបិទសាលានៅក្នុងក្រុងសៀមរាប តែមិនបានបោះបង់ពលរដ្ឋខេត្តសៀមរាបទេ។លោក ផៃ ស៊ីផាន អះអាងថា សម្តេចតេជោ ហ៊ុន សែន នាយករដ្ឋមន្ត្រីនឹងអញ្ជើញទៅកាន់ខេត្តសៀមរាម ដើម្បីកុំឲ្យពលរដ្ឋភ័យខ្លាច បើទោះបីជាកន្លែងមានឆ្លងមេរោគកូវីត ក៏ដោយ។គួរបញ្ជាក់ថា នៅកម្ពុជាមានពលរដ្ឋខ្មែរម្នាក់រកឃើញថា មានឆ្លងជំងឺកូវីត.១៩នេះ បន្ទាប់ពីជនជាតិចិន និងជប៉ុន។ នេះជាការលើកឡើងរបស់អ្នកនាំពាក្យរបស់រាជរដ្ឋាភិបាលបែបនេះក្នុងសន្និសីទសារព័រ៌មានរៀបចំដោយអង្គភាពអ្នកនាំពាក្យរាជរដ្ឋាភិបាលកម្ពុជា ស្តីពីវឌ្ឍភាព និងទិសដៅបន្តរបស់ក្រសួងមុខងារសាធារណៈកាលពីព្រឹកថ្ងៃទី៩ ខែមីនា ឆ្នាំ២០២០ ៕
ចំនួនអ្នកទស្សនា