ថ្ងៃអាទិត្យ ទី២៨ ខែវិច្ឆិកា ឆ្នាំ២០២១
គេហទំព័រ Friday Daily News ជឿជាក់ ច្បាស់លាស់ ឥតលំអៀង ... ផ្សព្វផ្សាយពាណិជ្ចកម្មទំនាក់ទំនងលេខ 088 5000 993 095 538 995
លោកអនុសេនីយ៍ឯក កាក់ មាស ប្រាប់ថា ទីតាំងជល់មាន់នៅព្រែកប្រសព្វ បានបង្រ្កាបហើយ
Sun,10 October 2021 (Time 06:07 PM)
ដោយ ៖ ០០៧ (ចំនួនអ្នកអាន: 155នាក់)


ខេត្តក្រចេះ ÷ បន្ទាប់ពីសារព័ត៌មាន យើង ធ្វើការចុះផ្សាយ កាលពីថ្ងៃទី០៩ ខែតុលា ឆ្នាំ២០២១ ពាក់ព័ន្ធ និង ទីតាំងល្បែងសុីសង របស់ មេល្បែង តា កុក និង លោក ផល្លី ដែលលេងចល័ត ទៅ ចល័តមក រវាង ភូមិ អូរជ្រៃ ភូមិកំពែង និង ចល័តទៅលេង នៅផ្លូវថ្នល់ទទឹង និង នៅជិតទូលចាម ភូមិកំពែង ខាងក្រោយប៉ុស្តិ៍ នគរបាល របស់លោក កាក់ មាស ឋិតក្នុងឃុំព្រែប្រសព្វ ស្រុកព្រែកប្រសព្វ ខេត្តក្រចេះ ។ ដោយយោងតាមប្រភពបានឲ្យដឹងថា ក្នុង ទីតាំងទាំងអស់ខាងលើនេះគឺ បានបើកឲ្យក្រុមអ្នកញៀនល្បែង ចូលប្រមូលផ្តុំគ្នា ចូលលេង ដោយក្តីសុខសប្បាយណាស់ រីករាយ ព្រោះតែមានលោក នាយស្នាក់ការរងរបស់នគរបាល ឃុំព្រែក ប្រសព្វ លោក កាក់ មាស ជាអ្នកមើលថែ ។

សូមបញ្ជាក់ថា បន្ទាប់ពីសារព័ត៌មាន Friday Daily News យើងចុះផ្សាយដែលមានខ្លឹមសារដូចខាងលើរួចមក »» នៅព្រឹកថ្ងៃទី១០ ខែតុលា ឆ្នាំ២០២១នេះ លោកអនុសេនីយ៍ឯក កាក់ មាស នាយរងប៉ុស្តិ៍ ឃុំព្រែកប្រសព្វ បានខលមកអង្គភាពយើងដើម្បីសុំបំភ្លឺថា បន្ទាប់ពីលោកបានទទួលព័ត៌មានភ្លាម នៅវេលាម៉ោង៤ ល្ងាច នាថ្ងៃទី០៩ ខែតុលា ឆ្នាំ២០២១ គឺលោក បានដឹកនាំកម្លាំង៤នាក់ ចុះដល់ទីតាំងមួយកន្លែងនៅចំណុចផ្លូវក្រហម ក្នុងចំការស្វាយចន្ទី ត្រង់ចំណុចគីឡូម៉ែត១៥ ហើយសង្កេតឃើញថា ពិតជាមានការប្រមូលផ្តុំគ្នា លេងជល់មាន់មែន ។ លោកបន្តថា តែក្នុងកិច្ចប្រតិបត្តិការបង្រ្កាបទីតាំងសង្វៀនជល់មាន់នេះ គឺឃាត់មិនបានមនុស្សនោះទេ ដោយសារម្ចាស់សង្វៀន និង ក្រុមអ្នកញៀនល្បែងទាំងនោះបានរត់គេចខ្លួនអស់។ លោក កាក់ មាស បន្តទៀតថា បន្ទាប់ពីក្រុមអ្នកញៀនល្បែង រត់គេចខ្លួន អស់ គឺបានបន្សល់ទុកនូវ វត្ថុតាងមួយចំនួនដូចជា អង្រុតចំនួន ០៤ កៅអី ចំនួន ០៦ មាន់ជល់ចំនួន០២ក្បាល ។ លោកបញ្ជាក់ទៀតថា វត្ថុតាងទាំងអស់ បន្ទាប់ពីដកហូតបានយកទៅរក្សាទុកនៅឯស្នាក់ការកំពែង រីឯស្បៃខៀវ ដែលហ៊ុំធ្វើជាសង្វៀនត្រូវបានដុតនៅកន្លែងកើតហេតុ។ តែក្នុងរបាយការដែលលោក កាក់ មាស បានបញ្ជូនមកអង្គភាពយើង ដើម្បីសុំធ្វើការបកស្រាយបំភ្លឺនេះ មិនបានបញ្ជាក់ឲ្យច្បាស់នោះទេ ថា ជារបស់មេល្បែងរូបណាឬឈ្មោះអ្វី ឡើយ ។

ក្នុងនោះលោក បានបញ្ជាក់យ៉ាងច្បាស់ តាមទូរស័ព្ទថា ករណីលោក ផល្លី និង តា កុក បើកទីតាំងលេងល្បែងស៊ីសងជល់មាន់ និង អាប៉ោង គឺមានពិតមែន គឺលួចលេងម្តងម្កាល តែប៉ុណ្ណោះ មិនមានជាធំដុំកំភូនទេ ។ រីឯករណីដែលប្រភព បានរាយការណ៍ចោទប្រកាន់ថា លោក គឺជាអ្នក កាងបនល្បែង ឬ ទីតាំង ជល់មាន់ និង អាប៉ោង វាមិនមែនជាការពិតឡើយ ។

ទោះបីជា ការមានការបកស្រាយ ឬ ចុះបង្រ្កាបយ៉ាងណាក៏ដោយ អង្គភាពសារព័ត៌មានយើង នៅតែបន្តដាក់ក្រុមការងារ ឲ្យ សង្កេត បន្ថែមទៀត បើមេល្បែង តា កុក និង លោក ផល្លី ឬ មេល្បែងរូបណាផ្សេងទៀត នៅតែបើកលេង គឺអង្គភាពយើង និង តាមប្រម៉ាញ់ រូបភាព ដើម្បីផ្សព្វផ្សាយ ជូនដល់ឯកឧត្តមស្នងការ ព្រមទាំងឯកឧត្តម អភិបាលខេត្តក្រចេះ ឲ្យលោកបានជ្រាប និង ទប់ស្កាត់ជាបន្តទៀតផងដែរ ព្រោះដើម្បីកាត់បន្ថយការប្រមូលផ្តុំ និង កាត់បន្ថយការរីករាលដាលនៃជម្ងឺកូវិដ-១៩ ក្នុងប្រទេសកម្ពុជា ៕

ចំនួនអ្នកទស្សនា

ថ្ងៃនេះ :
284 នាក់
ម្សិលមិញ :
1019 នាក់
សប្តាហ៍នេះ :
5616 នាក់
ខែនេះ :
24270 នាក់
3 ខែនេះ :
83792 នាក់
សរុប :
932507 នាក់