ថ្ងៃអាទិត្យ ទី២៨ ខែវិច្ឆិកា ឆ្នាំ២០២១
គេហទំព័រ Friday Daily News ជឿជាក់ ច្បាស់លាស់ ឥតលំអៀង ... ផ្សព្វផ្សាយពាណិជ្ចកម្មទំនាក់ទំនងលេខ 088 5000 993 095 538 995
នុះហេតុអីឆ្លើយខុសគ្នា? លោកអនុសេនីយ៍ឯក កាក់ មាស ឆ្លើយថា មានល្បែងស៊ីសង តែប្រតិកម្មរហ័សស្នងការខេត្តក្រចេះ ឆ្លើយថា មិនមានល្បែងសុីសង
Tue,12 October 2021 (Time 09:07 PM)
ដោយ ៖ ០០៧ (ចំនួនអ្នកអាន: 123នាក់)


នៅថ្ងៃទី ១២ ខែតុលា ឆ្នាំ២០២១នេះ អង្គភាពសារព័ត៌មាន យើង បានទទួលព័ត៌មាន មកថាក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តក្រចេះ បានបដិសេធថា មិនមានការបើកទីតាំងជល់មាន់ នៅក្នុងភូមិសាស្រ្ត ឃុំព្រែកប្រសព្វ ស្រុកព្រែប្រសព្វ ទេ បន្ទាប់ពីអង្គភាពសារព័ត៌មាន បានចុះផ្សាយខ្លឹមសារថា " ល្បែងជល់មាន់ ក្នុងស្រុកព្រែកប្រសព្វ សង្ស័យជាឆ្នាំងបាយ របស់សមត្ថកិច្ច មូលដ្ឋាន ទើបមិនបង្រ្កាប " ។

អង្គភាពសារព័ត៌មានយើង ពិតជាមិនយល់? ហេតុអ្វី បន្ទាប់ពីសារព័ត៌មាន យើងបានចុះផ្សាយកាលពីរសៀលថ្ងៃទី០៩ ខែតុលា ឆ្នាំ២០២១ រួចមក ស្រាប់តែនៅព្រឹក ថ្ងៃទី ១០ ខែតុលា ឆ្នាំ២០២១ លោក អនុសេនីយ៍ឯក កាក់ មាស នាយរងស្នាក់ការព្រែកប្រសព្វ បានខលតាមទូរស័ព្ទ មកអង្គភាពយើង ហើយប្រាប់ថា ទីតាំងល្បែង លោក តា កុក និងទីតាំងជល់មាន់ពិតជា មានការបើកលេងមែន តែលេងចល័តទៅចល័តមក ហើយថែមទាំងបានបញ្ជួនរបាយការនៃការបង្រ្កាប ទីតាំងជល់មាន់ រួមជាមួយរូបភាពចុះបង្រ្កាប មកអង្គភាពសារយើងមួយចំនួន ដើម្បីសុំធ្វើការបំភ្លឺថែមទៀតផង ដោយមានខ្លឹមសារថា


" សូមគោរពជូនលោកនាយកសារព័ត៌មាន ខ្ញុំបាទអនុសេនីឯក កាក់ មាស សូមរាយការណ៍ជាបឋម នៅវេលាម៉ោង៤ ល្ងាច នាថ្ងៃទី០៩ ខែតុលា ឆ្នាំ២០២១ ខ្ញុំបាទ បាននាំកម្លាំង៤នាក់ ចុះបង្រ្កាបសៃវៀន ជល់មាន់ នៅចំណុចផ្លូវក្រហម ក្នុងចំការស្វាយចន្ទី ត្រង់ចំណុចគីឡូម៉ែត១៥ ។ ពេលទៅដល់ម្ចាស់មាន់ និងម្ចាស់សៃវៀន រត់គេចខ្លួន អស់ គឺបានបន្សល់ទុកនូវ វត្ថុតាងមួយចំនួនដូចជា អង្រុតចំនួន ០៤ កៅអី ចំនួន ០៦ មាន់ជល់ចំនួន០២ក្បាល ។ រីឯវត្ថុតាងត្រូវបានយកទៅរក្សាទុកនៅស្នាក់ការកំពែងថែម ទៀតផងដែរ។ លោក កាក់ មាស បន្ថែមទៀតថា ការចុះបង្រ្កាប ឬ បិទទីតាំង ជល់មាន់នេះ បានធ្វើឡើងនៅរសៀលថ្ងៃទី០៩ ខែតុលា ឆ្នាំ២០២១ បន្ទាប់ ពីអង្គភាពសារព័ត៌មាន យើងចុះផ្សាយ ត្រូវបានថ្នាក់លើស្តីបន្ទោសឲ្យរូបលោក ។

តែបែរជា ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តក្រចេះ បានចេញបំភ្លឺបដិសេធថា នៅពេលដែលកម្លាំងជំនាញចុះដល់ ពិនិត្យឃើញថា ពុំមានសកម្មភាពលួចលេងល្បែងស៊ីសងជល់មាន់ ដូចទៅតាមការលើកឡើងរបស់សារព័ត៌មានយើង ចុះផ្សាយនោះទេ ដោយទៅទីតាំងតំបន់នោះ គឺត្រូវបាននគរបាលមូលដ្ឋានបានចុះបង្រ្កាបតាំងពីថ្ងៃទី១៦ ខែកញ្ញា ឆ្នាំ២០២១ មកម្លេះ។ ហើយបានលើកឡើងទៀតថា សារព័ត៌មានយើង ចុះផ្សាយគ្មានមូលដ្ឋានច្បាស់លាស់ទៅវិញ។

តើករណីនេះ លោកអនុសេនីយ៍ឯក កាក់ មាស ជាអ្នកភូតកុហក ឬ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តក្រចេះ ជាអ្នកធ្វើរបាយការកុហកថ្នាក់លើ និង កុហក មហាជន? តើអ្នកសារព័ត៌មាន ផ្សព្វផ្សាយ មិនពិត ឬ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តក្រចេះ បំភ្លឺមិនពិត សូមពិចារណាតាមការគួរ ? ហេតុអីមន្រ្តីមូលដ្ឋានឆ្លើយថា មាន តែថ្នាក់លើឆ្លើយថា មិនមាន?

ដូច្នេះសូមក្រុមការងារព័ត៌មាន និង ប្រតិកម្មរហ័សនៃស្នងការខេត្តក្រចេះ មេត្តា បើកការស៊ើបអង្កេតឲ្យបានស៊ីជម្រៅ ហើយ កុំទាន់ទំលាក់កំហុសឲ្យអ្នកដទៃ។ សូមបញ្ជាក់ថា រូបដែល សារព័ត៌មាន យើងចុះផ្សាយ គឺរូបចាស់មែន តែសកម្មភាពថ្មី គឺនៅតែបន្តលេង រហូតដល់ថ្ងៃទី០៩ ខែតុលា ឆ្នាំ២០២១ សារព័ត៌មានយើងចុះផ្សាយ ទើបបាននាំគ្នាផ្អាកសកម្មភាពលេង ។ (ដើម្បីរក្សារសុវត្ថិភាពជូនក្រុមការងារ ដែលនៅទីនោះ ទើប មិនបានអនុញាតឲ្យចូលថត យករូបថ្មី ទេ ព្រោះយើងដឹងហើយថា ទីតាំងល្បែងសុីសង គឺជាតំបន់គ្រោះថ្នាក់បំផុតសំរាប់អ្នកសារព័ត៌មាន )ដូច្នេះសូមឯកឧត្តម លន់ សុផាត ស្នងការខេត្តក្រចេះ និង មហាជន មេត្តាជ្រាបជាព័ត៌មាន ។

»» ខាងក្រោមនេះជាខ្លឹមសារទាំងស្រុងរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តក្រចេះ :

ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តក្រចេះ សូមជម្រាបជូនសាធារណជន អ្នកសារព័ត៌មាន ពិសេសបណ្ដាញទំនាក់ទំនងសង្គមជ្រាបថា នាថ្ងៃទី១០ ខែតុលា ឆ្នាំ២០២១ មានពីបណ្តាញសារព័ត៌មានមានឈ្មោះ "Friday Daily News " ដែលបានចុះផ្សាយមានខ្លឹមសារថា ល្បែងជល់មាន់ ក្នុងស្រុកព្រែកប្រសព្វ សង្ស័យជាឆ្នាំងបាយ របស់សមត្ថកិច្ចមូលដ្ឋានទើបមិនបង្រ្កាប ។

ជុំវិញការលើកឡើងខាងលើនេះ លោកឧត្តមសេនីយ៍ទោ លន់ សុផាត ស្នងការនគរបាលខេត្តក្រចេះ បានចាត់ឲ្យកម្លាំងជំនាញផែនការងារនគរបាលព្រហ្មទណ្ឌ សហការជាមួយកម្លាំងជំនាញរបស់អធិការដ្ឋាននគរបាលស្រុកព្រែកប្រសព្វ និង កំលាំងរបស់ប៉ុស្តិ៍នគរបាលរដ្ឋបាល ចុះស្រាវជ្រាវស៊ើបអង្កេត ដល់ទីតាំងខាងលើផ្ទាល់ ។

ជាលទ្ធផល នៅពេលដែលកម្លាំងជំនាញចុះដល់ ពិនិត្យឃើញថា ពុំមានសកម្មភាពលួចលេងល្បែងស៊ីសងជល់មាន់ ដូចទៅតាមការលើកឡើងនោះទេ ដោយទៅទីតាំងតំបន់នោះ គឺត្រូវបាននគរបាលមូលដ្ឋានបានចុះបង្រ្កាបតាំងពីថ្ងៃទី១៦ ខែកញ្ញា ឆ្នាំ២០២១ មកម្លេះ។ ហើយរូបភាពដែលបានចុះផ្សាយក្នុងគេហទំព័រខាងលើក៏មិនមែនជារូបនៅតំបន់ស្រុកព្រែកប្រសព្វនោះដែរ។

តែបើទោះជាបែបណា លោកឧត្តមសេនីយ៍ស្នងការ បានណែនាំនិងដាក់វិធានការឲ្យនគរបាលជំនាញព្រហ្មទណ្ឌខេត្ត ស្រុក បន្តការចុះស្រាវជ្រាវលើការលេងភ្នាល់ល្បែងគ្រប់ប្រភេទ ដែលមានការលួចលេងនៅតាមព្រៃនានាក្នុងភូមិសាស្រ្តន៍ស្រុកព្រែកប្រសព្វ បើទោះបីជាទំបន់នោះមានភាពស្មុគស្មាញបន្តិចយ៉ាងណាក្តី ដើម្បីមានវិធានការបង្រ្កាបឲ្យបានទាន់ពេលវេលា។

ឆ្លៀតក្នុងឱកាសនេះ យើងខ្ញុំសូមអំពាវនាវដល់សាធារណជន អ្នកសារព័ត៌មាន និងពិសេសបណ្ដាញទំនាក់ទំនងសង្គម សូមមេត្តាចៀសវាងផ្សព្វផ្សាយព័ត៌មានពុំមានមូលដ្ឋានស៊ើបបញ្ជាក់ច្បាស់លាស់ ឬយករូបភាពសកម្មភាពល្មើសចាស់ៗ ដែលត្រូវបានសមត្ថកិច្ចបង្ក្រាបរួចមកហើយនោះ មកច្នៃប្រឌិតបង្កើតជារូបភាព និងព័ត៌មានថ្មីដែលនាំឲ្យមហាជនភាន់ច្រឡំចំពោះស្ថានការណ៍សន្តិសុខ សណ្តាប់ធ្នាប់សាធារណៈ និងបង្កការលំបាកដល់ការអនុវត្តវិធានការជំនាញរបស់សមត្ថកិច្ចនគរបាល។

សូមបញ្ជាក់ថា "អង្គភាពយើង មានសំលេងឆ្លងឆ្លើយជាមួយលោក កាក់ មាស តែសុំមិនទាន់បញ្ចេញ" ព្រោះរក្សាសិទ្ធិ របស់ម្ចាស់សំលេង ។

ចំនួនអ្នកទស្សនា

ថ្ងៃនេះ :
282 នាក់
ម្សិលមិញ :
1019 នាក់
សប្តាហ៍នេះ :
5614 នាក់
ខែនេះ :
24268 នាក់
3 ខែនេះ :
83790 នាក់
សរុប :
932505 នាក់