យោងតាមការផ្សាយ សារព័ត៌មាន NHK នៅថ្ងៃទី ២៧ ខែកុម្ភៈ ឆ្នាំ២០២២ មុននេះបន្តិច បានឲ្យដឹងថា ការ​ប្រយុទ្ធ​គ្នា​ កាន់តែខ្លាំង​ឡើងនៅ​ទូទាំង​ប្រទេស​អ៊ុយក្រែន។ កងកម្លាំងរុស្ស៊ីកំពុងវាយលុកលើរដ្ឋធានី ខណៈដែលពួកគេវាយប្រហារទីក្រុង និងមូលដ្ឋានយោធានៅជុំវិញប្រទេស។ រដ្ឋមន្ត្រីសុខាភិបាលនិយាយថា ជនជាតិ អ៊ុយក្រែន ១៩៨ នាក់ ត្រូវបានសម្លាប់ ហើយចំនួននេះទំនងជាកើនឡើង។ ការប្រយុទ្ធគ្នាកំពុងកើនឡើងជុំវិញទីក្រុង Kyiv និងទីក្រុង Kharkiv ភាគឦសាន។

នៅទីក្រុង Lviv ជិតព្រំដែនប៉ូឡូញ អ្នកស្រុករត់ទៅបន្ទប់ក្រោមដី រាល់ពេលដែលស៊ីរ៉ែនការពារអាកាសរលត់។ មន្ត្រី​ការពារជាតិ​ជាន់ខ្ពស់​អាមេរិក​ប៉ាន់ប្រមាណ​ថា កម្លាំង​ប្រយុទ្ធ​រុស្ស៊ី​ជាង ៥០ ភាគរយ​បាន​ចូល​អ៊ុយក្រែន។

សេតវិមានបានប្រកាសផែនការផ្តល់ជំនួយយោធារហូតដល់ 350 លានដុល្លារសម្រាប់អ៊ុយក្រែន។ ប្រទេសអាល្លឺម៉ង់បានផ្លាស់ប្តូរជំហររបស់ខ្លួន ហើយបានសម្រេចចិត្តបញ្ជូនមីស៊ីល ពីដីទៅ អាកាសចំនួន 500 ដើម ដើម្បីគាំទ្រដល់ យោធា អ៊ុយក្រែន៕

បកប្រែដោយ : លោក រ៉ម សាវី