បើយោងតាមច្បាប់រ៉ែ និង ថាមពល ការជីករណ្តៅដី កាយយក អាចម៌ដី លក់ គឺអនុញាត អោយជីកជម្រៅ ត្រឹមតែ ៥ ម៉ែត្រ ប៉ុណ្ណោះ ។ ក៏ប៉ុន្ដែ ឥលូវនេះ បែរជា គេសង្កេត ឃើញ ថា មានក្រុមហ៊ុន ឯកជន មួយ បានធ្វើអាជីវកម្ម កាយអាចម៌ដី លក់ ក្នុងទំហំដី ប្រមាណជា ( ៣ហិចតា ទៅ ៤ហិចតា) ជីកជម្រៅ រហូត ទៅដល់ជាង ១០ម៉ែត្រ ដែលផ្ទុយ ពីច្បាប់រ៉ែ និងថាមពល ។ ទីតាំងរណ្តៅ ដី មួយនេះ នៅ តាមបណ្តោយ ផ្លូវជាតិ លេខ៥ ក្បែរព្រំប្រទល់ ស្រុកអូរជ្រៅ រវាង ក្រុងសិរីសោភ័ណ ឋិតក្នុងសង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។


តាមប្រភពព័ត៌មាន បានបញ្ជាក់ថា រណ្តៅដី មួយនេះ ជារបស់មេឈ្មួញម្នាក់ (លាក់ឈ្មោះសិន) មានឈ្មោះ បោះសំឡេង ម្នាក់ដែរ នៅក្រុងប៉ោយប៉ែត ហើយក៏ជាឈ្មួញម្នាក់ ដែលបានបើកអាជីវកម្ម កាយរណ្តៅ យកអាចម៌ដី លក់ ជាយូរយារ និង ជោគជ័យ លើវិស័យ មួយនេះ ច្រើនឆ្នាំមកហើយ ។ សូមបញ្ជាក់ថា ការជីករណ្តៅ ដី ជ្រៅពេក វាបង្ករឲ្យកើតមាន បញ្ហាដូចជា បាក់ស្រុតដី បង្ការគ្រោះថ្នាក់ ដល់ មនុស្ស និង សត្វ ជាដើម បើសិនជា សត្វ ធ្លាក់ចូលរណ្តៅនេះហើយ ប្រាកដ ជាស្លាប់ ជាមិនខាន ។

តើអាជ្ញាធរ និង មន្ត្រី ជំនាញ ដែលពាក់ព័ន្ធ ក្នុងខេត្ត បន្ទាយមានជ័យ គួរមានចំណាត់ការយ៉ាងណា ចំពោះ រណ្តៅដី ដ៏សែនជ្រៅ ស្ទើតែក្លាយជាសមុទ្រមួយនេះ ? តើក្រុមហ៊ុន ឯកជន មួយនេះ មានច្បាប់ អនុញ្ញាត ត្រឹមត្រូវ ពី ស្ថាប័ន ពាក់ព័ន្ធ ដែរឬទេ?


ជុំវិញបញ្ហានេះ នៅថ្ងៃទី១៥ ខែមីនា ឆ្នាំ២០២៣ អង្គភាពសារព័ត៌មាន យើង មិនអាច សុំការបំភ្លឺពីលោក សុត វឌ្ឍនា ប្រធានមន្ទីរ រ៉ែ និង ថាមពល ខេត្តបន្ទាយមានជ័យ បានទេ ដោយសារ ខលមិន ចូល ។ ដូច្នេះអង្គភាព យើង រង់ចាំការបំភ្លឺ រៀងរាល់ ម៉ោងធ្វើការ ៕