ខេត្តសៀមរាប ÷នៅព្រឹកថ្ងៃទី១៨ ខែមិថុនា ឆ្នាំ២០២៣ វេលាម៉ោង ៤ និង២០នាទី ទាបភ្លឺ ដោយនៅ ចន្លោះបង្គោលលេខ ៣៤០ និង៣៤១ស្ថិតនៅភូមិ ប៉ាក់ប៉ាន់ ឃុំពួក ស្រុកសរស្តម្ភ និងស្រុកពួក ខេត្តសៀមរាប មានករណីក្រឡាប់រថយន្តដឹកអ្នកដំណើរពាក់ផ្លាកលេខ ភ្នំពេញ 3B.4999 ចេញដំណើរពីភ្នំពេញទៅប៉ោយប៉ែតខេត្តបន្ទាយមានជ័យបើកបរក្នុងស្ថានភាពងោកមួយភាំងបានក្រឡាប់ផ្ងារជើងអូសប្រវែង ៧០០ម៉ែត្រធ្លាក់ស្រែផ្ងារជើងឡើងលើរបួសធ្ងន់ស្រាលចំនួន ២៧នាក់ ក្នុងនោះមានជនបរទេស ០៣នាក់ផងដែរ៕

តាមប្រភពព័ត៌មានពីប្រជាពលរដ្ឋដែលបានជិះលើឡានផ្ទាល់ និងរបួសក្បាលបានបង្ហើបប្រាប់ឲ្យដឹងថា ÷គាត់បានទិញសំបុត្រនៅផ្សារសុរិយា ខាងជើងផ្សារថ្មីដែលមានឈ្មោះរស្មីភ្នំពេញអ៊ុិចប្រេសដែលធ្វើដំណើរពីភ្នំពេញទៅប៉ោយប៉ែត ខេត្តបន្ទាយមានជ័យ មុនមកដល់កន្លែងកើតហេតុ សង្កេតឃើញថា តាកុងឡាន មានសភាព ងងុយដេក (ងោក)ក៏បានអោយប្រូឡានបើកវិញដោយបើកក្នុងស្ថានភាពលឿនពេកកាច់ចង្កូតមិនទាន់ក៏បានធ្លាក់ចូលស្រែ អូសជាច្រើនម៉ែត ហើយបានក្រឡាប់ប្រមាណជាពីរ ទៅ បីជុំធ្លាក់ចូលតែម្តង។ បន្ទាប់មកគាត់ (អ្នករួមដំណើរ )បានលូនចេញមកក្រៅស្រែកអោយគេជួយ និងអ្នកដំណើរផ្សេងទៀតនាំគ្នីគ្នាធាក់កញ្ចក់ឡានដើម្បីចេញមកក្រៅផងដែរ?។

ប្រភពព័ត៍មានពីមន្រ្តីសម្ថកិច្ចបានចុះមកដល់កន្លែងកើតហេតុដើម្បីធ្វើការជួយសង្រ្គោះវាស់វែងធ្វើកំណត់ហេតុជាក់ស្តែង ជនរងគ្រោះមានចំនួន១២ នាក់ នៅកន្លែងកើតហេតុផ្ទាល់ និង១៤នាក់ទៀតត្រូវបានបញ្ជូនទៅមន្ទីរពេទ្យដើម្បីជួយសង្រ្គោះបន្ទាន់ ករណីខាងលើនេះអ្នកធ្វើដំណើររងរបួសធ្ងន់ស្រាល ដោយមិនមានគ្រោះថ្នាក់ដល់អាយុជីវិតនោះទេ។ ចំណែកប្រ៊ូឡាន និងតាកុងឡានរត់បាត់ស្រមោល ៕