រាជធានីភ្នំពេញ ÷ មានហេតុការណ៍គ្រោះថ្នាក់ចរាចរណ៍ មួយកើតឡើងរវាង រថយន្តដឹកដី បុកកិនម៉ូតូមួយគ្រឿងបណ្តាលឲ្យម្ចាស់ម៉ូតូ ត្រូវបានស្លាប់បាត់បង់អាយុជីវិតភ្លាមៗនៅនិងកន្លែងកើតហេតុ។ ហេតុការនេះ បង្ករការភ្ញាក់ផ្អើលនៅវេលាម៉ោងប្រមាណជាង៨យប់ត្រូវនិងថ្ងៃទី ១៨ ខែមិថុនា ឆ្នាំ២០២៣ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ក្នុងហេតុការណ៍គ្រោះថ្នាក់ចរាចរណ៍នេះ រថយន្តដឹកដី មានប៉ាយដាក់ពីមុខកញ្ចក់រថយន្ត (ឈ្មោះ ហេង ឃាង ) និង ពាក់ស្លាកលេខ ភ្នំពេញ 3A : 3598 រីឯតៃកុងរថយន្តនៅមិនទាន់ស្គាល់អត្តសញ្ញាណ នៅឡើយ ហើយឥឡូវត្រូវបានសមត្ថកិច្ច ឃាត់ខ្លួនយកទៅប៉ុស្តិ៍ដើម្បីសួរនាំ ។ ដោយឡែកម៉ូតូជនរងគ្រោះមានពណ៌.ស ម៉ាកឃ្លីក ពាក់ស្លាកលេខ បាត់ដំបង 1AE : 8086 រីឯម្ចាស់ (មិនស្គាល់អត្តសញ្ញាណ អាយុប្រហែលជាង ២០ឆ្នាំ ) បានស្លាប់នៅនិងកន្លែងកើតហេតុ ។ក្រោយកើតហេតុ សមត្ថកិច្ចជំនាញ បានចុះទៅដល់កន្លែងកើតហេតុ ដើម្បីធ្វើការវាស់វែងតាមបច្ចេកទេស និង យករថយន្តដែលពាក់ព័ន្ធក្នុងហេតុការណ៍គ្រោះថ្នាក់ចរាចរណ៍ ទៅរក្សាទុករង់ចាំដោះស្រាយតាមនីតិវិធី ច្បាប់ ៕ព័ត៌មាន បឋម
ចំនួនអ្នកទស្សនា