ខេត្តស្វាយរៀង ៖ មានទំនិញបាល់ក្រណាត់ និងរថយន្តទ្រុងបិទជិតសង្ស័យជាទំនិញគេចពន្ធ ដោយ លោក ចាន់ តារា ប្រធានគយ និងរដ្ឋាករ នៃការិយាល័យច្រកទ្វាព្រំដែនអន្តរជាតិព្រៃវល្លិ៍ថា មិនបានដឹងទេ បើតាមកម្មករបានលើកទំនិញទម្លាក់ដាក់ចូលក្នុងកាណូត ឬទូកប៉ុកចៃវៀតណាមឆ្លងដែនទៅប្រទេសវៀតណាម តាមប្រឡាយទាហានជិតប៉ុស្តិ៍ច្រកទ្វារព្រំដែនអន្តរជាតិ ព្រៃវ័ល្លិ៍សង្ស័យជាទំនិញគេចពន្ធ ។ករណីនេះបានកើតឡើង នៅវេលាម៉ោង១០និង០០នាទីព្រឹក ថ្ងៃទី១២ សីហា ២០២៣ នៅប្រឡាយទាហាន ស្ថិតនៅភូមិព្រៃវ័ល្លិ៍ឃុំថ្មីស្រុកកំពង់រោទ៌ ខេត្តស្វាយរៀង ។កម្មករលើកដាក់ទំនិញដុំបាល់ក្រណាត់បានឲ្យដឹងថា ទំនិញនេះមានរថយន្តដឹកមករាល់ថ្ងៃ ក្នុង១ថ្ងៃចំនួន១គ្រឿង ទៅ០៣គ្រឿង គឺគេដឹកមកពីភ្នំពេញ និងតាមបណ្តាខេត្តនានាដែលមានរោងចក្រកាត់ដេរ បើតាមថៅកែគេប្រាប់ថា ជាបាល់ក្រណាត់រោងចក្រក្នុង១បាល់ទម្ងន់ ចាប់ពី១៤៥គីឡូ ទៅ១៧៦គីឡូក្រាម ។ ហើយពួកគាត់ជាកម្មករលីសែង១ក្រុម១០នាក់ ថ្ងៃខ្លះចែកវេនគ្នា ហើយកម្មករនៅកំពង់ផែកាណូតនេះ មានគ្នា៣០នាក់ ដូច្នេះចែកជាបីវេន ។ ហើយលើកទំនិញក្នុងរថយន្ត១គ្រឿងបានថ្លៃឈ្នួល២៥ម៉ឺនរៀលចែកគ្នាម្នាក់បាន២៥,០០០រៀល ។ប្រភពបន្តថា កន្លងមកសំបូរការងារធ្វើ គឺលីបាវស្រូវក្នុង១តោន បាន២៥,០០០រៀល បច្ចុប្បន្នស្រូវ គឺភាគច្រើនគេមានផែ មានម៉ាស៊ីនបង្ហូរស្រូវដាក់ចូលក្នុងទូក ទើបកម្មករមិនសូវមានការងារធ្វើ ។ មហាជនបានលើកឡើងថា រថយន្តដឹកបាល់ក្រណាត់នោះ គឺគេរៀបបាវក្រណាត់សល់ពីរោងចក្រដាក់ពីលើពីខាងមុខខាងក្រោយ ក៏ប៉ុន្តែពេលលើកទម្លាក់ដាក់ចូលក្នុងទូកប៉ុកចៃវៀតណាម នៅខាងក្រោម និងកណ្តាលទ្រុងរថយន្ត គឺមានបង្កប់បាល់ក្រណាត់រំវិចខ្ចប់ជិតគ្រីបដែកលួសយ៉ាងណែន ដោយក្នុង១បាល់ទម្ងន់១៤៥គីឡូក្រាម រហូតទៅ១៧៦គីឡូក្រាមឯណោះ ដោយគេសរសេរលេខ និងទម្ងន់នៅជាប់បាល់ក្រណាត់នោះតែម្តង ហើយពេលកម្មករលើកបាល់ក្រណាត់នោះទម្លាក់ពីលើរថយន្តរមៀលដាក់ចូលក្នុងទូក គឺពុំមានមន្ត្រីជំនាញ ឬសមត្ថកិច្ចណាមកពិនិត្យមើលឡើយ ។ពលរដ្ឋបានដាក់ការសង្ស័យលើកឡើងជាសំនួរថា តើប្រទេសវៀតណាមគេប្រមូលទិញកម្ទេចក្រណាត់រោងចក្រយកទៅធ្វើអ្វីទេ។ ហើយក៏មានរថយន្តទ្រុងបិទជិត មានយីហោក្រុមហ៊ុនដឹកទំនិញ(២០២៣Kដឹកជញ្ជួន)ចូលទៅដាក់ក្នុងឃ្លាំងជាប់ព្រំដែនជិតច្រកទ្វាព្រំដែនផងដែរ ក្នុងនោះមានបារី ហេរ៉ូ(HERO) និងបារី ៥៥៥ និងទំនិញជាច្រើនមុខផ្សេងទៀត ត្រូវគេដឹកចេញតាមម៉ូតូនៅពេលយប់ឆ្លងដែនចូលទៅប្រទេសវៀតណាម គឺសង្ស័យជាទំនិញគេចពន្ធខុសច្បាប់ ។ហើយសមត្ថកិច្ចម្នាក់បានសុំមិនបញ្ចេញឈ្មោះបានលោកឡើងថា ឃើញមាននាំទំនិញចូលពីប្រទេសវៀតណាមតាមច្រករបៀង និងច្រកទ្វាព្រំដែនអន្តរជាតិព្រៃវ័ល្លិ៍ មានបន្លែ ផ្លែឈើ និងជីកសិកម្ម គឺគ្មានមន្ត្រីជំនាញណាត្រួតពិនិត្យគុណភាទទេ គួរឲ្យព្រួយបារម្មណ៍ពីសុវត្ថិភាពសុខភាពអ្នកបរិភោគខ្លាំងណាស់ ពិសេសប្រជាពលរដ្ឋ ។ទាក់ទងករណីខាងលើកនេះដែរ រហូតដល់ព្រឹកថ្ងៃទី១៣ ខែសីហា ឆ្នាំ២០២៣នេះ បានខលតាមទូរសព្ទ័ទៅលោក ចាន់ តារាប្រធាន គយ រដ្ឋាករការិយាល័យ នៃច្រកទ្វាព្រំដែនអន្ដរជាតិព្រៃវល្លិ៍ ដោយលោកកំពង់នៅប្រទេសថៃ ហើយរឿងទំនិញនោះមិនបានដឹងទេ ៕
ចំនួនអ្នកទស្សនា