ភ្នំពេញ: ថ្ងៃទី៣០ ខែសីហា ឆ្នាំ២០២៣នេះ លោក ផែង វណ្ណះ ប្រកាសសងជំនួស និងជួយរកមេធាវី ក្រោយបុរសម្នាក់ត្រូវស្រ្តីម្ចាស់រថយន្ត៥៧០ ចុះមកទះ ៥កំផ្លៀង និងដកហូតម៉ូតូយកទៅចាក់សោរទុក។ហេតុការនេះ បានកើតឡើងកាលពីវេលាម៉ោង៥ព្រឹក និងបង្កការភ្ញាក់ផ្អើល ដល់ម៉ោង១១:៤០នាទីព្រឹក ថ្ងៃ៣០ ខែសីហា ឆ្នាំ២០២៣ នៅមុខមន្ទីរ ពហុព្យាបាល និងសម្ភពឥន្ទ្រទេវី ស្ថិតក្នុងមូលដ្ឋាន សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។បើតាមផេកមួយដែលមានឈ្មោះថា Rangsey Roth បានបង្ហោះថា យុវជនដែលជាម្ចាស់ម៉ូតូបានឲ្យដឹងថា៖ ត្រឹម៥០០ដុល្លារ ខ្លួនមាន សមត្ថភាពសង តែហេតុអី ទះគាត់៥កំផ្អៀង រួចជេរប្រមាថគាត់ ហើយយកសោរច្រវ៉ាក់ទៅចាក់ម៉ូតូគាត់ ព្រមទាំងដកសោរម៉ូតូចញ និងមិនដោះស្រាយជាមួយគាត់អ៊ីចឹង? ខណៈម្តាយយុវជនខាងលើ បានប្រាប់ថា៖ នឹងសង៥០០ដុល្លារ តែសុំដាក់ពាក្យបណ្ដឹងទារ ៣,០០០ដុល្លារវិញ ក្រោយទះកូនគាត់៥កំភ្លៀង។ក្រោយព័ត៌មាននេះ បានផ្ទុះលើបណ្តាញសង្គម ស្រាប់តែលោក ផែង វណ្ណះ បានបង្ហោះសារមួយហាក់គាំទ្រ បុរសជាម្ចាស់ម៉ូតូថា ÷ ជូនទៅក្មួយប្រុស ! ពូបានឃើញ ព័ត៌មានបង្ហោះលេីបណ្ដាញសង្គមហ្វេសប៊ុក ថាក្មួយបេីកបរខ្វះការប្រុងប្រយ័ត្នបណ្ដាលឲ្យប៉ះរថយន្ត ៥៧០ ពណ៌ខ្មៅ ដាច់ថ្នាំកាងបន្តិច ហេីយត្រូវបានស្ត្រីម្ចាស់រថយន្ត ៥៧០ ចុះមកទះ ៥កំផ្លៀង និងដកហូតម៉ូតូយកទៅចាក់សោរទុក ។ តាមការរៀបរាប់របស់សារព័ត៌មាននៅលេីបណ្ដាញសង្គម ក្មួយមានកំហុសតែមួយគត់ តែកំហុសរបស់ក្មួយ គ្រាន់តែសងសំណងការខូចខាតរួចហើយក្មួយគ្មានជាប់ទោសទណ្ឌអ្វីទេ បេីក្មួយគ្មានលទ្ធភាព ពូសុំជួយចេញសងជំនួសទាំងអស់ ។ ចំពោះទង្វើស្ត្រីម្ចាស់រថយន្ត ៥៧០ ពណ៌ខ្មៅ គាត់មានបទល្មើស ២ ទី១ ប្រេីហឹង្សាដោយចេតនា ទី២ ដកហូតម៉ូតូដែលជាវត្ថុតាងករណីគ្រោះថ្នាក់ចរាចរណ៍ ទៅដាក់ច្រវ៉ាក់ទុកខ្លួនឯងដោយគ្មានការអនុញ្ញាតពីតំណាងអយ្យការ គឺជាទង្វេីខុសច្បាប់មួយទៀត ។ ក្មួយមានសិទ្ធិគ្រប់គ្រាន់ដេីម្បីដាក់ពាក្យបណ្ដឹងចំពោះស្ត្រីម្ចាស់រថយន្ត ៥៧០ ពណ៌ខ្មៅនោះ ។ បេីក្មួយគ្មានលទ្ធភាព ពូអាចជួយរកមេធាវី និងនាំក្មួយទៅដាក់ពាក្យបណ្តឹងនៅស្នងការដ្ឋាននគរបាលរាជធានីភ្នំពេញបាន ។ បេីក្មួយត្រូវការជំនួយពីពូ សូមទាក់ទងមកតាម ហ្វេសប៊ុកនេះ ឬ តាម តេឡេក្រាមលេខ ០១២ ៩៣៣ ៨៨៣ សូមអរគុណ !ទោះបីជាគ្រោះថ្នាក់ចរាចរណ៍ក្នុងកម្រិតណាក៏ដោយ អង្គភាពសារព័ត៌មានយើង មិនគាំទ្រ អោយបង្កើតហិង្សាបន្ថែមមួយទៀតនោះទេ។ក្នុងករណីនេះ ប្រជាពលរដ្ឋ ស្នើរសមត្ថកិច្ចអនុវត្តច្បាប់ និងស្វែងរកយុត្តិធម៌ជូនជនរងគ្រោះពិតប្រាកដផង។
ចំនួនអ្នកទស្សនា