កំពត: មន្ត្រីជំនាញ ចាប់បានសាច់បង្កកខូចគុណភាព លួចនាំចូលពីវៀតណាម តាមទូកនៃច្រករបៀងព្រែកចាក ខេត្តកំពត កាលពីយប់ថ្ងៃទី២៨ ខែសីហា ឆ្នាំ២០២៣ ដែលមានសរុបចំនួន ៩កញ្ចប់ ស្មើនឹង ៣២៣គីឡូក្រាម។


សូមបញ្ជាក់ថា ថ្ងៃទី២៩ ខែសីហា ឆ្នាំ២០២៣ មន្ត្រីស៊ើបអង្កេតសាខា ក.ប.ប. ខេត្តកំពតបាននាំយករថយន្តមន្ទីរពិសោធន៍ចល័តផ្នែកម្ហូបអាហារ សហការជាមួយសាខាគយនិងរដ្ឋាករខេត្តកំពត បានដុតកម្ទេចចោលនូវទំនិញទាំងនោះ នៅទីតាំងដីតារាយន្តហោះចាស់ ក្នុងភូមិអូរតូច សង្កាត់អណ្តូងខ្មែរ ក្រុងកំពត ខេត្តកំពត។

មន្ត្រីជំនាញបានបញ្ជាក់និងកំពុងបន្តនីតិវិធីចំពោះឈ្មួញទុច្ចរិតនោះផងដែរ ស្របតាមច្បាប់ជាធរមាន។