ខេត្តមណ្ឌលគីរី ÷ មួយរយៈនេះ ត្រូវបានសារព័ត៌មាន ក្នុងស្រុកជាច្រើនអង្គភាព បាននាំគ្នា ធ្វើការចុះផ្សាយថា មេឈ្មួញ ឈើ ឈ្មោះ រិទ្ធ បានចាប់ផ្តើមធ្វើសកម្មភាព វិញហើយ ពាក់ព័ន្ធនិងបទល្មើសព្រៃឈើ ។ ប្រភពពីសារព័ត៌មាន នានា ដែលបានចុះផ្សាយ បានអោយដឹងទៀតថា មេឈ្មួញឈើ ឈ្មោះ រិទ្ធ និងបក្សពួក នៅតែធ្វើសកម្មភាពកាប់បំផ្លិចបំផ្លាញព្រៃឈើដឹកជញ្ជូនចេញពីចំណុច ស្រែប៊ូម ភូមិរ៉ាយោងឃុំប៊ូស្រា ស្រុកពេជ្រាដា ដឹកតាមប្រភេទរថយន្តធុនត្រាជាច្រើនគ្រឿងសម្រុកដឹកជញ្ជួនទៅប្រទេស វៀតណាម តាមច្រកទ្វេភាគីព្រំដែនណាំលា និង ច្រកដាក់ដាំ យ៉ាងពេញបន្ទុក ខណៈសមត្ថកិច្ច ជំនាញពាក់ពន្ធ័ក្នុងខេត្តមណ្ឌលគីរី នៅរក្សាភាពស្ងៀមស្ងាត់ នៅឡើយ មិនទាន់ឃើញ ចេញប្រតិបត្តិការបង្រ្កាប មេឈ្មួញ ឈ្មោះ រិទ្ធ និងបក្ខពួកនោះទេ ។មន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តមណ្ឌលគិរី បានលើកឡើងថាលោក ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី និងលោក ឡោ សុខា ស្នងការដ្ឋាននគរបាលខេត្តមណ្ឌលគិរី ក៏ដូចជាលោក ថង សាវុន អភិបាលខេត្តមណ្ឌលគិរី គ្មានឆន្ទៈក្នុងការបង្ក្រាបបទល្មើសព្រៃឈើនោះទេ។ដោយភាពអសកម្ម ទាំងនេះហើយ បាននិងកំពុងធ្វើឲ្យព្រៃឈើក្នុងតំបន់ព្រៃការពារ ព្រៃអភិរក្ស ព្រៃសហគមន៍ក្នុងស្រុកកោះញ៉ែក ស្រុកពេជ្រាដា ស្រុកកែវសីមាចៀសមិនផុតពីសេចក្ដីវិនាសសាបសូន្យ នៅក្នុងពេលឆាប់ៗខាងមុខនេះឡើយ។តាមប្រភពពីមន្ត្រីពាក់ព័ន្ធនៅច្រកទ្វេភាគីព្រំដែនណាំលា ច្រកដាក់ដាំ ខេត្តមណ្ឌលគិរី បានឲ្យដឹងថា រយៈពេលជិត ១សប្ដាហ៍កន្លងទៅនេះឈ្មួញជាច្រើននាក់បានសម្រុកដឹកជញ្ជូនឈើប្រណីត និងឈើប្រភេទលេខ1 ពីចំណុចស្រែប៊ូម ក្នុងស្រុកកោះញែក ស្រុកពេជ្រាដា ចេញទៅស្រុកយួន តាមច្រកណាំលា យ៉ាងគគ្រឹកគគ្រេង ។ដោយប្រភពបន្តថា សកសកម្មភា នៃការដឹកជញ្ជូនឈើ របស់ក្រុមឈ្មួញទាំងនេះ មិនត្រឹមតែ មិនបង្រ្កាបនោះទេ តែបែរជាមានសមត្ថកិច្ចមួយចំនួន គឺជាអ្នកសម្រួលនិងការពារអោយក្រុមឈ្មួញ ដឹកជញ្ជួន យ៉ាងរលូនចូលទៅប្រទេសវៀតណាមថែមទៀតផង ដែរ ។ក្នុងនោះលោក យូ សុធា នាយប៉ុស្តិ៍នគរបាលអន្តោប្រវេសន៍ច្រកទ្វេភាគីព្រំដែនដាក់ដាំ ស្រុកអូររាំង កំពុងរងការរិះគន់ថា សម្ងំប្រមូលលុយពីក្រុមឈ្មួញដឹកជញ្ជូនឈើទៅស្រុកយួន យ៉ាងត្រជាក់ចិត្ត។ប្រភពពីមន្ត្រីនៅច្រកណាំលា បានឲ្យដឹងទៀតថា ឈ្មួញដែលធ្វើសកម្មភាពដឹកជញ្ជូនឈើទៅស្រុកយួន យ៉ាងគឃ្លើននៅពេលនេះគឺឈ្មួញឈ្មោះ រិទ្ធ និងគូរកនរបស់ឈ្មួញ ដែលសុទ្ធតែជាឈ្មួញមានខ្នងបង្អែករឹងមាំ។ទោះជាយ៉ាងណាបើគ្មានការបើកបារ៉ាស់ពីសំណាក់លោក នាយប៉ុស្តិ៍នគរបាលអន្តោប្រវេសន៍ច្រកទ្វេភាគីព្រំដែនណាំលាទេនោះ គឺគ្មានឈ្មួញណាអាចដឹកជញ្ជូនឈើពីទឹកដីខ្មែរឆ្លងចូលទឹកដីយួន តាមអំពើចិត្តបានដែរ។ប្រជាសហគមន៍ក៍ដូចជាប្រជាពលរដ្ឋ ក្នុងភូមិរ៉ាយោង ឃុំប៊ូស្រា ស្រុកពេជ្រាដា ស្រុកកោះញ៉ែក អំពាវនាវដល់ នាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការថ្នាក់ជាតិ ដើម្បីទប់ស្កាត់បទល្មើសព្រៃឈើធនធានធម្មជាតិ ព្រមទាំង លោក ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ នេសាទ មេត្តាចាត់មន្ត្រីក្រោមឱវាទចុះត្រួតពិនិត្យជាបន្ទាន់ បើមិនដូច្នោះទេ ព្រៃឈើដែលនៅសេសសល់បន្តិចបន្តួច ពិតជាវិនាសអស់ក្រោមស្នាដៃមេឈ្មួញឈ្មោះ រិទ្ធ និងបក្សពួកឈ្មួញជាក់ជាជាពុំខាន ។បន្ទាប់ពីបណ្តាញសារព័ត៌មាន នានា បានធ្វើការចុះផ្សាយ ដែលមានខ្លឹមសារដូចខាងលើ គេនៅមិនទាន់ឃើញ អាជ្ញាធរ ឬ ស្ថាប័ន ពាក់ព័ន្ធ ក្នុង ខេត្តមណ្ឌលគីរី ចេញសេចក្តីបកស្រាយបំភ្លឺណាមួយ នៅឡើយទេ ។ ដូច្នេះ មហាជន សង្ឃឹមថា អាជ្ញាធរ និង ចុះ បង្រ្កាបមេឈ្មួញឈើ ឈ្មោះ រិទ្ធ ព្រមទាំងបក្ខពួកឆាប់ៗនេះ និង ធ្វើការបកស្រាយបំភ្លឺ បង្ហាញ ជាសាធារណ: ដើម្បីមហាជន បានដឹង បានឃើញ ហើយនិងចូលរួម សារទរ ប្រសិនមានការបង្រ្កាបទៅលើក្រុមឈ្មួញរកសុីបទល្មើសព្រៃឈើ ទាំងនោះ ៕
ចំនួនអ្នកទស្សនា