ភ្នំពេញ: កម្លាំងនគរបាលព្រហ្មទណ្ឌ បើកប្រតិបត្តិការចាប់ពីថ្ងៃទី៣-៥ ខែកញ្ញា ឆ្នាំ២០២៣ ឃាត់ជនសង្ស័យចំនួន៤នាក់ ក្រោយព្រួតគ្នាយកដៃ ជើង ទាត់ធាក់ និងយកដបស្រាបៀរហនុមានវាយក្បាលជនរងគ្រោះបណ្តាលឲ្យបែកក្បាលហូរឈាមរងរបួសជាទម្ងន់សន្លប់បាត់ស្មារតី នៅចំណុចមុខក្លឹបកំសាន្ត នឹកEX ផ្លូវលេខ៥៥ កែងផ្លូវលេខ២៤២ ភូមិ៥ សង្កាត់ចតុមុខ ខណ្ឌដូនពេញ រាជធានីភ្នំពេញ កាលពីថ្ងៃទី១ ខែកញ្ញា ឆ្នាំ២០២៣ វេលាម៉ោង០៤នឹង០០នាទី។

ក្រោយទទូលបញ្ជាពីឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ ដឹកនាំបញ្ជាផ្ទាល់ដោយលោកឧត្តមសេនីយ៍ត្រី លី ប៊ុនអេង ស្នងការរងទទួលដឹកនាំការិយាល័យ សហការជាមួយជាមួយកម្លាំងសមត្ថកិច្ចអធិការដ្ឋាននគរបាលខណ្ឌដូនពេញ ,កម្លាំងសមត្ថកិច្ចអធិការដ្ឋាននគរបាលស្រុកជីក្រែង នៃស្នងការដ្ឋាននគរបាលខេត្តសៀមរាប និងសមត្ថកិច្ចអធិការដ្ឋាននគរបាលស្រុកកំចាយមារ នៃស្នងការដ្ឋាននគរបាលខត្តព្រៃវែង បានស្រាវជ្រាវ និងឃាត់ខ្លួនជនសង្ស័យចំនួន០៤នាក់ បន្ទាប់ពីហិង្សាព្រួតវាយជនរងគ្រោះឈ្មោះ ម៉ៅ ម៉េងហុង ភេទប្រុស អាយុ១៩ឆ្នាំ ជនជាតិខ្មែរ មានទីលំនៅ ផ្ទះគ្មានលេខ ផ្លូវលេខ៣៥៧ ភូមិកណ្តាល១ សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ មុខរបរ អ្នករៀបរោងការ បានបែកក្បាលពីក្រោយជាទម្ងន់ដោយសារត្រូវវាយនឹងដបស្រាបៀរហនុមាន។

បច្ចុប្បន្នជនសង្ស័យខាងលើ ការិយាល័យកសាងសំណុំរឿង បញ្ជូនទៅសាលាដំបូងរាជធានីភ្នំពេញដើម្បីចាត់ការតាមនីតិវិធី ៕