បាត់ដំបង: ក្រោយរងការរិះគន់ថា កាស៊ីណូ វ៉ាណាធៀន និងរីហ្សត នៅជិតច្រកទ្វារព្រំដែនអន្តរជាតិគីឡូ១៣(ភ្នំដី)មួយកន្លែងបានចាប់ផ្តើមដំណើរការបើកឲ្យពលរដ្ឋខ្មែរចូលលេងល្បែងសុីសងខុសច្បាប់ គ្រប់ប្រភេទ សារជាថ្មីវិញហើយ នោះស្រាប់តែផេកមួយដែលមានឈ្មោះថា ស្នងការដ្ឋាននគរបាលខេត្តបាត់ដំបង បានចេញសេចក្តីបំភ្លឺព័ត៌មានថា ....តាមប្រភពព័ត៌ដែលទទួលបានពីសមត្ថកិច្ចនគរបាលស្រុកសំពៅលូន បានឱ្យដឹងថានៅត្រឹមថ្ងៃទី ៦ ខែ កញ្ញា ឆ្នាំ ២០២៣នេះ ទីតាំងកាស៊ីណូខាងលើ មានដំណើរការជាធម្មតា ដែលការដំណើរការនៅទីនោះ គឺមានលិខិតអនុញ្ញាត(អាជ្ញាបណ្ណ)ដែលចេញដោយក្រសួងសេដ្ឋកិច្ច និងហិរញ្ញវត្ថុ ពីគណៈកម្មការគ្រប់គ្រងល្បែងពាណិជ្ជកម្មកម្ពុជា និងមាននាយកដ្ឋានប្រឆាំងបទល្មើសល្បែងពាណិជ្ជកម្មនៃអគ្គស្នងការដ្ឋាននគរបាលជាតិជាអ្នកគ្រប់គ្រងពិនិត្យតាមដាន ។ ចំពោះសមត្ថកិច្ចនគរបាលមូលដ្ឋាន ក៏ដូចសមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបងពុំមានសិទ្ធិ និងសមត្ថកិច្ចនៅក្នុងទីតាំងកាស៊ីណូនោះទេ។សូមបញ្ជាក់ថា កាលពីថ្ងៃទី០៥ ខែកញ្ញាឆ្នាំ២០២៣នេះ មានអង្គភាពសារព័ត៌មានក្នុងស្រុកមួយ បានធ្វើការផ្សព្វផ្សាយថា....អ្នកច្បាប់ក៏ដូចមហាជន ទូទៅធ្លាប់បានដឹងហើយថា! គោលការ(កាស៊ីណូ)នីមួយៗនៅក្នុងប្រទេសកម្ពុជា គេមិនតម្រូវឲ្យពលរដ្ឋខ្មែរចូលលេងល្បែងស៊ីសងនោះឡើយ! ក្នុងនោះបើមានពលរដ្ឋខ្មែរសុំចូលបំរើការងារ ឬសុំច្បាប់អាជីវកម្មបើក(កាស៊ីណូ)ជារឿងត្រឹមត្រូវ តែបើឲ្យពលរដ្ឋខ្មែរចូលលេងល្បែងស៊ីសង ទាំងនោះ គឺជារឿងខុសច្បាប់ ១០០% តែផ្ទុយទៅវិញ! ម្ចាស់ កាស៊ីណូ យីហោ(វ៉ាណាធៀន កាស៊ីណូ និងរីហ្សត)មួយកន្លែងស្ថិតនៅភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់បង បើកឲ្យពលរដ្ឋខ្មែរចូលលេងល្បែង(ជល់មាន់ បៀរ អាប៉ោង និងខ្លាឃ្លោក)ខុសច្បាប់ យ៉ាងអនាធិបតេយ្យ រីឯអាជ្ញាធរ និងសមត្ថកិច្ចមូលដ្ឋាន រក្សាភាពស្ងៀមស្ងាត់ មិនហ៊ានធ្វើការបង្រ្កាប! សង្ស័យមានលាភសក្ការៈ និងផលប្រយោជន៍ ផងក៏មិនដឹង....។គេហទំព័រខាងលើនេះបានបន្តស្នើរដល់ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ព្រមទាំងស្នើរលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ចាត់វិធានការតាមផ្លូវច្បាប់ចំពោះទីតាំងកាស៊ីណូនេះ។ទោះបីជាយ៉ាងណា អង្គភាពសារព័ត៌ហ្វ្រាយដេ ដេលីញូស៍ សូមគោរពស្នើរដល់អជ្ញាធរមានសមត្ថកិច្ចមេត្តា ចុះពិនិត្យទីតាំងល្បែង ជាពិសេសទីតាំងកាស៊ីណូតែម្តង ដើម្បីភូមិឃុំមានសុវត្តិភាព។
ចំនួនអ្នកទស្សនា