ភ្នំពេញ: នៅថ្ងៃទី០៧ ខែកញ្ញាឆ្នាំ២០២៣នេះ សម្តេចក្រឡាហោម ស ខេង ឧត្តមប្រឹក្សាផ្ទាល់ ព្រះមហាក្សត្រ នៃព្រះរាជាណាចក្រកម្ពុជា មានឋានៈស្មើ ឧបនាយករដ្ឋមន្ត្រី បានជម្រាបជូនជនរួមជាតិ និងសូមប្រុងប្រយ័ត្នចំពោះជនក្លែងគណនីរបស់សម្តេចដើម្បីផ្ញើសារ ឬធ្វើសកម្មភាពក្នុងគោលបំណងអាក្រក់ផ្សេងៗ។សម្តេចក្រឡាហោម បានរៀបរាប់ថា ÷ បងប្អូនជនរួមជាតិជាទីគោរព! ខ្ញុំសូមជម្រាបដល់បងប្អូនជនរួមជាតិឲ្យបានជ្រាបថា នៅពេលថ្មីៗនេះ មានជនអនាមិកបានក្លែងបន្លំដោយបង្កើតជាគណនីហ្វេសប៊ុកក្លែងក្លាយ មានដាក់រូបថត និងឈ្មោះរបស់ខ្ញុំ និងបាននិយាយក្នុងន័យជាខ្ញុំផ្ទាល់ ផ្ញើសារឆ្លើយឆ្លងជាមួយសាធារណជន ជាពិសេសនៅក្នុងផេកហ្វេសប៊ុកផ្លូវការរបស់ខ្ញុំផងដែរ ។ សម្តេចបានបន្តទៀតថា ក្នុងន័យនេះ ខ្ញុំសូមជម្រាបជូនបងប្អូនជនរួមជាតិឲ្យបានជ្រាបអំពីផេកហ្វេសប៊ុក និងបណ្តាញសង្គមផ្សេងៗទៀតរបស់ខ្ញុំជាផ្លូវការមានដូចខាងក្រោម៖Facebook - https://www.facebook.com/SamdechKrolahomSarkheng/Telegram - https://t.me/samdechkrolahomsarkheng YouTube - https://www.youtube.com/@samdechkrolahomsarkhengWebsite- https://samdechkrolahomsarkheng.comTikTok - https://www.tiktok.com/@samdechkrolahom_sarkhengMobile App - http://onelink.to/rrq7f7សម្តេចបន្ថែមបន្តថា អាស្រ័យដូចនេះសូមបងប្អូនជនរួមជាតិមេត្តាប្រុងប្រយ័ត្នចំពោះជនបោកប្រាស់ដែលបានបង្កើតគណនីក្នុងបណ្តាញសង្គមក្លែងក្លាយណាមួយថាជារូបខ្ញុំ ដើម្បីផ្ញើសារ ឬធ្វើសកម្មភាពក្នុងគោលបំណងអាក្រក់ផ្សេងៗ ។ ជាចុងបញ្ជប់សសម្តេច បានជូនពរ ដល់បងប្អូនជនរួមជាតិទាំងអស់សមប្រកបដោយពុទ្ធពរទាំងបួនប្រកាគឺ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ ៕សូមបញ្ជាក់ថា គណនីពិតរបស់សម្តេច មកដល់ពេលនេះ មានចំនូនអ្នកតាមដាន (Follower)ចំនួន ៤៧៣K និងសញ្ញាគ្រីសពណ៌ខៀវ ឯគណនីក្លែងក្លាយ មានចំនូនអ្នកតាមដាន (Follower)តែចំនួន ៣៨១នាក់ និងគ្មានសញ្ញាគ្រីសពណ៌ខៀវឡើយ។មកដល់ម៉ោងនេះ អង្គភាពសារព័ត៌មានយើងពុំទាន់ថា នរណាជាអ្នកបង្កើតគណនីក្លែងក្លាយសម្តេចក្រឡាហោម ស ខេង ព្រមទាំងមានដាក់រូបថត ឈ្មោះនិងបាននិយាយក្នុងន័យជាសម្តេចនោះទេ តែទោះបីយ៉ាងណា អង្គភាពយើងសង្ឃឹុមថា អាជ្ញាធរមានសមត្ថកិច្ចនឹងស្រាវជ្រាវវែកមុខម្ចាស់គណនីនោះក្នុងពេលយ៉ាងខ្លីបំផុត ដើម្បីបញ្ជៀសបញ្ហានានានៅក្នុងសង្គម។
ចំនួនអ្នកទស្សនា