ខេត្តបន្ទាយមានជ័យ ÷ បែកធ្លាយ ទីតាំង ផែអាត់ មួយកន្លែងទៀតហើយ ដែលត្រូវបានបណ្តាញសារព័ត៌មានមួយចំនួន បានចុះផ្សាយជាបន្តបន្ទាប់មកថា ទីតាំងខារ៉ាអូខេ ដែលមានយីហោ ផែអាត់ មួយនេះ គឺមិនមែនមានតែបំរើសេវាខារ៉ាអូខេតែមួយមុខនោះទេ បែរជា លួចបំរើសេវា ល្បែងស៊ីសង រួមទាំងមានបំរើសេវា វាយឡើង ផងដែរ «នេះបើយោងតាមបណ្តាសារព័ត៌មានក្នុងស្រុក មួយចំនួន បាននាំគ្នាធ្វើការចុះផ្សាយ នាពេលថ្មីៗនេះ ។ ទីតាំងមួយនេះ ឋិតនៅចំណុចខាងក្រោយ សណ្ឋាគារ លី ហេងឆាយ ស្ថិតនៅក្នុងភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។សូមរំឭកថា កាលពីថ្ងៃទី ១៣ ខែ មករា ឆ្នាំ២០២៤ កន្លងទៅ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានបញ្ជារអោយកម្លាំងក្រោមឱវាទ ចុះត្រួតពិនិត្យ ទីតាំងខារ៉ាអូខេ ចំនួន ០២កន្លែង ក្នុងភូមិសាស្ត្រ ក្រុងប៉ោយប៉ែត ដែលមានទីតាំងទី១ យីហោ អេហ្សុិប ខេធីវី ទីតាំងទី ២ យីហោ G9 ដោយក្នុងនោះ សមត្ថកិច្ច បានអោយម្ចាស់ ឬ តំណាង ធ្វើកិច្ចសន្យា ដោយបញ្ឈប់មិនអោយមានការ លួចបង្កប់ល្បែងសុីសង ឬ ជួញដូរគ្រឿងញៀន និង ជួញដូរផ្លូវភេទ ឬ ក៏ប្រព្រឹត្តបទល្មើសផ្សេងៗទៀត ក្នុងទីតាំងខារ៉ាអូខេ ជាដាច់ខាត។ ដោយក្នុងនោះ សមត្ថកិច្ច បានបញ្ជាក់ថា និងបន្ត ធ្វើសកម្មភាព ត្រួតពិនិត្យ ឬធ្វើកិច្ចសន្យា តាមទីតាំងខារ៉ាអូខេ ជាច្រើនទៀតក្នុងក្រុងប៉ោយប៉ែត ផងដែរ។ក៏ប៉ុន្តែថ្មីៗនេះ បែរជាបែកធ្លាយមកថា ទីតាំង ផែអាត់ ដែលជាទីតាំងបំរើសេវា ខារ៉ាអូខេ មានការលួចបង្កប់ល្បែងស៊ីសង យ៉ាងរំភើយ ហាក់ដូចជា កំពុងផ្គើនជាមួយ អាជ្ញាធរ មាន សមត្ថកិច្ចក្នុងមូលដ្ឋាន ទៅវិញ ។ មហាជនសង្ឃឹមថា សមត្ថកិច្ច ក្នុងមូលដ្ឋាន ជាពិសេស លោក គាត ហ៊ុល ដែលជាគណបញ្ជាការឯកភាពក្រុងប៉ោយប៉ែត និង យកចិត្តទុកដាក់ក្នុងការ បោសសំអាត បញ្ហានេះ កុំអោយកើតមានក្នុងទឹកដីក្រុងប៉ោយប៉ែត ដើម្បីអនុវត្តតាម គោលនយោបាយ ទាំង៧ចំណុច របស់រាជរដ្ឋាភិបាល ដើម្បីភូមិ ឃុំ មានសុវត្ថិភាព ៕
ចំនួនអ្នកទស្សនា