ខេត្តកំពង់ចាម៖ លោក អ៊ុន ចាន់ដា អភិបាល ខេត្តកំពង់ចាម បាន សម្រេចដក បញ្ឈរ ជើង លោក ភាព តុលា ស្មៀន ឃុំច្បារអំពៅ ស្រុកបាធាយ ខេត្តកំពង់ចាម។
យ៉ាងណាម៉ិញ គេនៅមិនទាន់ដឹងច្បាស់នៅឡើយនោះទេ ថា តើការដកបញ្ឈរ ជើង មេឃុំម្នាក់នេះ ពាក់ព័ន្ធនិងការ បែកធ្លាយរឿង ទារលុយពីពលរដ្ឋ ថ្លៃ សុំច្បាប់ រៀប អាពាហ៍ពិពាហ៍ ចំនួន ២០០ដុល្លារ សហរដ្ឋ អាមេរិក ដែរឬយ៉ាងណា?

ដីកា ស្ដីពីការផ្ទេរភារកិច្ចមន្ត្រីរាជការ របស់រដ្ឋបាលខេត្តកំពង់ចាម បានធ្វើឡើង នៅថ្ងៃទី០៦ ខែមីនា ឆ្នាំ២០២៤។

ទន្ទឹមនិងនោះលោក អ៊ុន ចាន់ដា ក៏បានចេញដីកា សម្រេចតែងតាំង លោកស្រី វី សុង៉ោ ពីមន្ដ្រីការិយាល័យកសិកម្ម ធនធានធម្មជាតិ និងបរិស្ថាន រដ្ឋបាលស្រុកបាធាយ ឲ្យទៅ បម្រើការងារ ជា មន្ដ្រី ស្មៀន ឃុំច្បារអំពៅ រហូតមានការសម្រេចពី ក្រសួងមហាផ្ទៃ..!។

ទោះជាក្នុងដីកា សម្រេចរបស់រដ្ឋបាលខេត្តកំពង់ចាម ពុំបានបញ្ជាក់ពីមូលហេតុក្ដី…!។
ប៉ុន្តែគេអាចសន្និដ្ឋានបានថា ការដកបញ្ឈរ ជើងស្មៀន ឃុំច្បារអំពៅ គឺផ្ដើមចេញពីការរិៈគន់របស់ពលរដ្ឋនៅលើបណ្ដាញសង្គម ដែលបាន ចោទប្រកាន់ថា លោក ភាព តុលា បានទាមទារលុយចន្លោះពី១០០ ទៅ២០០ដុល្លារ ជាថ្នូរនឹងការស្នើសុំច្បាប់រៀបអាពាហ៍ពិពាហ៍ និង ថែមទាំងប្រើ ពាក្យ សម្ដី កាយវិការមិនសមរម្យ ទៅ លើពលរដ្ឋ ថែម ទៀត ផង៕