ខេត្តសៀមរាប៖ មានសេចក្តីរាយការណ៍មកថា ដីព្រៃឈើធំៗ៨០០ហិចតាត្រូវបានគ្រឿងចក្រវាយកំទេចឲ្យរាបដល់ដី ដែលជាហេតុធ្វើអោយមានមតិមហាជនខ្លះលើកឡើងថា ពិតជាគួរអោយសោកស្តាយបំផុត ចំពោះការបាត់បង់ ដីព្រៃ និង ការបាត់បង់ព្រៃឈើធំ ៗ ដែលពពួកសត្វនានាធ្លាប់ជ្រកកោន នានាពេលកន្លងទៅ ។ប្រជាពលរដ្ឋបានប្រាប់ថា មានគ្រឿងចក្រអេស្ការវទ័រមួយគ្រឿង និងត្រាក់ទ័រចំនួន៨គ្រឿង កំពុង ធ្វើសកម្មភាពចូលឈូសឆាយ និងវាយកំទេចព្រៃឈើធំៗទាំងនោះ គឺនៅចំណុច ត្រពាំងអាណេល ស្ថិតនៅភូមិ ផ្ចឹកជ្រុំ ឃុំកន្ទួត ស្រុកស្វាយលើ ខេត្តសៀមរាប។ពាក់ព័ន្ធបញ្ហានេះ សារព័ត៌មាន ក្នុងស្រុកមួយបាន សុំការបំភ្លឺពីលោក ម៉ុង ប៊ុនលីម នាយខ័ណ្ឌរដ្ឋបាលព្រៃឈើខេត្តសៀមរាប តាមប្រព័ន្ធលេឡេក្រាម ដោយសង្កេតឃើញថា លោកចូលមើលហើយ មិនឆ្លើយតប មកវិញនោះទេ ។រីឯកលោក ទា គឹមសុទ្ធ ប្រធានមន្ទីកសិកម្ម និងនេសាទ ខេត្តសៀមរាប លោកមិនបានចូលមើល តាមព័ន្ធលេឡេក្រាម ហើយ ក៏មិនបាន ឆ្លើយតបដែរ ។ដោយឡែក លោក ស៊ុន គង់ ប្រធានមន្ទីរបរិស្ថាន ខេត្តសៀមរាប បានបញ្ជាក់ថា ÷ ការគេធ្វើនោះ គ៏គេមានប្លង់រឹង(០១) ដោយមានការគាំទ្រ ពីស្រុក ខេត្ត ដល់ក្រសួងកសិកម្ម បើចង់ឃើញប្លង់ សួរទៅស្រុកស្វាយលើទៅ ។ជុំវិញករណីដូចខាងលើ ត្រូវបានគេសង្កេតឃើញថា រដ្ឋបាលស្រុកស្វាយលើ បានធ្វើលិខិតបំភ្លឺកាលពីថ្ងៃទី ២៩ ខែមេសា ឆ្នាំ២០២៤ ឲ្យដឹងថា ÷ ដីព្រៃដែលត្រូវបានឈួសឆាយនោះ គឺជា ទីតាំងដីស្នើសុំរបស់សហគមន៍ កសិកម្មទំនើបស្រូវនាងអំ និង ក្បាលដីមួយចំនួនទៀត ស្ថិតក្នុងវិញ្ញាបនបត្រសម្គាល់អចលនវត្ថុត្រឹមត្រូវ តាមប្លង់បទបញ្ជា ០១ ៕
ចំនួនអ្នកទស្សនា