ខេត្តបន្ទាយមានជ័យ ÷ ប្រភពពីប្រជាពលរដ្ឋ ដែលអះអាងថា ជាជនរងគ្រោះ បានប្រាប់ឲ្យសារព័តមាន Friday Daily News យើងឲ្យដឹងនាថ្ងៃទី ១៩ ខែកក្កដា ឆ្នាំ២០២៤ មាន ករណី ចោរលួច របស់របរ និង ថវិកា របស់គាត់ ។ ដែលហេតុការណ៍នេះ កើតឡើង នៅឃុំអូរបីជាន់ ស្រុកអូរជ្រៅខេត្តបន្ទាយមានជ័យ នៅភូមិអូរបីជាន់ ឃុំ អូរបីជាន់ ស្រុកអូរជ្រៅ
កាលពីយប់ថ្ងៃទី ១៨ ខែកក្កដា ២០២៤ ចន្លោះម៉ោង១១ -១២យប់ ។

ប្រភពបន្តថា ក្នុងសកម្មភាពលួចនេះ គឺ មានក្រុមចោរមួយក្រុម បានចូលលួចគាស់ផ្ទះប្រជាពលរដ្ឋពីរកន្លែងជិតគ្នាស្ថិតនៅភូមិអូរបីជាន់ ជិតស្ពាន អូរបីជាន់។


ក្នុងករណីនេះ ក្រុមចោរ បានលួចយកទូរស័ព្ទ អស់ ចំនួន ១គ្រឿង លុយ សរុបប្រហែល20000 បាត ( ពីរមុឺនបាតលុយថៃ)។ ប្រភពពីប្រជាពលរដ្ឋមួយចំនួន ក្នុងភូមិអូរបីជាន់ បានលើកឡើងថា សព្វថ្ងៃនេះប្រជាពលរដ្ឋមានការភ័យខ្លាចយ៉ាងខ្លាំងចំពោះសុវត្ថិភាព និង ការខ្លាចបាត់បង់ទ្រព្យសម្បត្តិរបស់ពួកគាត់។

ប្រជាពលរដ្ឋ សំណូមពរដល់អាជ្ញាធរ និង សមត្ថកិច្ច ក្នុងមូលដ្ឋាន ជួយពង្រឹងភូមិឃុំមានសុវត្ថិភាពបន្ថែមទៀត ព្រោះកន្លងទៅ សង្កេតឃើញថា សមត្ថកិច្ច បានយកចិត្តទុកដាក់ ការពារ សណ្តាប់ធ្នាប់សាធារណៈ និង សុខសុវត្ថិភាពជូនប្រជាពលរដ្ឋ យ៉ាងសកម្មផងដែរ ប៉ុន្តែ នៅតែមានក្រុមចោរ អាចឆ្លៀតឱកាសម្តងម្កាល ធ្វើសកម្មភាព លួចទ្រព្យសម្បត្តិ របស់ពួកគាត់ ដោយរលូន ។

សូមបញ្ជាក់ថា នេះ គ្រាន់តែជា សារ ដើម្បីជំរាបជូនទៅកាន់ អាជ្ញាធរ មានសមត្ថកិច្ច ក្នុងមូលដ្ឋាន តែប៉ុណ្ណោះ មិនមែនជា ការរិះគន់ ជន់ពន្លិច នោះឡើយ ។ សូមអរគុណ

អត្ថបទ &រូបភាព ដោយ : លោក យ៉ន ឃឿត ភ្នាក់ងារប្រចាំខេត្តបន្ទាយមានជ័យ